All posts by : mohid

केंद्रीय अर्थसंकल्प हा करलाभ दिल्याने आनंददायी होता. परंतु महाराष्ट्राचा अर्थसंकल्प मांडताना रोड टॅक्स, स्टॅम्प ड्यूटी, विविध पायाभूत सुविधांसाठी वाढणारा खर्च याची प्रभावी अंमलबजावणी होण्यासाठी प्रयत्न केलेला दिसून येत नाही.

मा. अर्थमंत्री श्री. अजित पवार यांनी मांडलेल्या ११व्या अर्थसंकल्पामध्ये विकासाच्या दृष्टीने विविध योजना आखल्या आहेत. यामध्ये विविध स्मारके /पर्यटन क्षेत्र विकसित करण्याचे उद्दिष्ट आहे. परंतु याच्या संकल्पसिद्धीचा ध्यासही घेणे आवश्यक होते. या अन्यये विविध पूरकसेवा किंवा योजनांमार्फत स्थानिक व्यवसाय वृद्धी होईल हे पाहणे महत्त्वाचे होते. नियमित काम करून कर भरणाऱ्या नागरिकांवर अन्याय करणारी अभय योजना मांडताना राज्यावरील कर्जाचा भार कमी करण्याबाबत प्रभावशाली उपाययोजना न केल्याने राज्याला दोन पावले मागे नेण्यासारखे वाटते. याचा सखोल विचार करणे आवश्यक होते.