स्थावर मालमत्ता विक्रीकर, टीडीएस आणि फॉर्म 26QB

आयकर कायदा येऊन ६२ वर्षे झाली आणि त्यामध्ये काळानुसार विविध बदल झाले; तसेच त्यामध्ये नवीन काही गोष्टी आल्या, त्याप्रमाणे आपण त्याचे पालन करत आहोत आणि आयकर वेळोवेळी भरत आहोत. कायद्याला अनुसरून आणि विविध प्रकारच्या नियमांचे पालन करत कर भरत आहोत. त्यातील एक कलम म्हणजे 194IA आणि त्यासोबत भरावा लागणारा 26QB फॉर्म भरावा लागतो. हे आज आपल्याला समजणे आणि सर्व व्यक्तींना त्याबद्दल माहीत असणे गरजेचे आहे. आज आपण आपली मालमत्ता विकत आणि खरेदी करत आहोत आणि त्यावर प्रामाणिकपणे भांडवली लाभ कर (Capital Gain Tax) देखील भरत आहोत, परंतु त्याबाबत टीडीएस करणे गरजेचे आहे. कारण ते नाही केले तर त्याबाबत असलेले दंड आणि व्याजदेखील आपणास भरावे लागू शकते त्यामुळे आपले नुकसान होऊ शकते; या संदर्भातील माहिती अमृतमहोत्सवी वर्षात यशस्वी पदार्पण करणाऱ्या ‘व्यापारी मित्र’ सोबत आपल्यापर्यंत पोहोचवण्याचा प्रयत्न करीत आहे.