वाचकांचे अभिप्राय

विविध माहितीने समृद्ध-व्यापारी मित्र !

आम्ही गेल्या 25 वर्षांपासून ‘व्यापारी मित्र’ चे वर्गणीदार आहोत. प्रत्येक अंकामध्ये अत्यंत क्लिष्ट स्वरुपातील कायद्याची माहिती आपण अत्यंत सोप्या मराठी भाषेत समजावून देत असता. त्यामुळे आमच्या सारख्या व्यापार्‍यांना फारच मदत होते. दरवर्षी बजेट नंतरचा अंक अत्यंत वाचनीय असतो. नुसतीच कायद्याची माहिती नाही तर जमाखर्च कशाप्रकारे लिहावेत हे सुद्धा आपण अनेक वेळा माहीत करून दिलेले आहे . त्यामुळे जमाखर्च लिहिण्यातील फाफटपसारा फार कमी झालेला आहे. कायद्याव्यतिरिक्त घ्यावयाची दक्षता, गुंतवणूक, स्थावर मालमत्ता, व्यवसायातील पुढील आव्हाने, नीतिमत्ता, जीवन जगण्यातील आनंद, इ. माहिती देऊन आपण आमचे जीवन समृद्ध केले आहे. व्यापार-व्यवसायाबरोबर आरोग्य कसे राखावे याबाबत योग्य व सुटसुटीत माहिती दरमहा आठवणीने आपण प्रसिद्ध करता याबद्दल धन्यवाद. उदा. ताकासंबंधी व पाण्याबाबत माहिती फारच उपयुक्त वाटली. वयाच्या नव्वदीमध्ये पण ‘व्यापारी मित्र’ साठी आपण कार्यरत आहात! परमेश्वर आपणांस उदंड आरोग्यपूर्ण आयुष्य देवो हीच प्रार्थना ! व्यापारी मित्रची उदंड भरभराट होवो ही शुभेच्छा !
निलेश रणछोडदास शहा, अहमदनगर

“व्यापारी मित्र” - व्यवस्थापनाचे अद्वितीय उदाहरण

मागील 68 वर्षांपासून व्यापारी बंधूंना, तसेच करसल्लागार, करक्षेत्रातील अधिकारी यांना मार्गदर्शक ठरणारे “व्यापारी मित्र” हे मासिक व्यवस्थापन क्षेत्रातील अद्वितीय उदाहरण म्हटल्यास वावगे ठरणार नाही. करक्षेत्रातील अनेक किचकट बाबी, शासननिर्णय, दररोज बदलते संदर्भ, त्या निमित्ताने उद्भवणारे विविध प्रश्न, यांना अत्यंत सरळ, सोप्या व मराठी भाषेतून व्यक्त करणे ही निश्चितच साधी बाब नाही. “व्यापारी मित्रा” द्वारे आयकर, विक्रीकर, सर्व्हिस टॅक्स, वस्तू व सेवा कर यासंबंधी व्यापार्‍यांना पडणारे हजारो प्रश्न, कोर्ट केसेस च्या संदर्भासहित उलगडले जातात. या सर्व बाबी ‘व्यापारी मित्र’ च्या टीमद्वारे कशा हाताळल्या जात असतील याचा विचार केल्यास त्यामागील सुनियोजित व्यवस्थापन आणि प्रचंड मेहनत लक्षात येते. एखादे मराठी मासिक ते देखील करक्षेत्रासारख्या रुक्ष विषयाला वाहिलेले एवढे लोकप्रिय असू शकते आणि ते सत्तराव्या वर्षाकडे वाटचाल करत आहे ही बाब खरोखर आश्चर्यकारक आहे. ‘व्यापारी मित्र’ चे अध्वर्यू श्री. जी. डी. शर्मा आणि सर्वच टीमची दखल शासनस्तरावर देखील घेतली जावी असे वाटते. भावी वाटचालीसाठी ‘व्यापारी मित्र‘ ला शुभेच्छा!
आनंद राजाराम मुधोळकर - विक्रीकर अधिकारी, नांदेड

व्यापारी मित्रातून अत्यंत मोलाची माहिती मिळते !

आम्ही मागील 45 वर्षांपासून आपले नियमित ग्राहक आहोत. व्यापारी मित्र या मासिकाचे आम्ही नियमित वाचन करतो व त्यामधून आम्हाला अत्यंत मोलाची माहिती मिळते. तथापि आमच्या परिवारातील दोन मुले शिकत आहेत. त्यामधील एक मुलगा कॉस्ट अकौंटंट तर दुसरा मुलगा कंपनी सेक्रेटरीचा अभ्यास करीत आहे. आपण या मासिकात कॉस्ट अकौंटंटबद्दल मोलाची माहिती देता परंतु कंपनी सेक्रेटरीबद्दल माहिती उपलब्ध नसते. तरी आपण कॉर्पोरेट-लॉ बद्दल लिखाण केल्यास ती माहिती आम्हास उपयुक्त ठरेल.
मे. रतनलाल मदनलाल दायमा

‘सरदारजी’ लेख आवडला

मी गेल्या 15 वर्षांपासून व्यापारी मित्रचा नियमित वाचक आहे. व्यापारी मित्र एप्रिल-18 च्या अंकातील पान क्र.87 वरील श्री.उल्हास जोशी यांचा ‘सरदारजी‘ हा लेख अतिशय आवडला. लेखातील ‘मी कोणाचा नोकर होणार नाही’, या जिद्दीने केवळ 12 वी शिक्षणानंतर धंदा सुरु करुन स्वत:ची फॅक्टरी उभारण्याची जिद्द स्पृहणीय आहे. मी देखील वयाच्या 13 व्या वर्षापासून 15 वर्षे नोकरी केली आणि गेली 50 वर्ष मी अन्नधान्याचा दलाली व्यवसाय करीत आहे. आता मी 80 वर्षांचा झालो. वाईट दिवस निघून जातात पण थोडा वेळ लागतो, हे माझ्या आणि लेखातील अनुभवावरुन सांगतो.
श्री.प्रेमसुख बोरा, पुणे.

व्यापारी मित्राचा दीपावली जोडअंक वाचनीय

व्यापारी मित्र मासिकाचा पुष्कळ वर्षापासून मी सभासद आहे. या वर्षीचा जोडअंक (ऑक्टोबर+नोव्हेंबर 2017) म्हणजेच दीपावली विशेषांक वाचून मनास खूप समाधान वाटले. विशेषांकात जीएसटीबद्दल खुलासेवार माहितीबरोबरच इतरही विविध कायद्याविषयी लेख वाचून आनंद मिळाला. मासिकाची अशीच भरभराट होवो हीच सदिच्छा !
मे. शाह अ‍ॅन्ड कंपनी - कर सल्लागार नाशिक

'व्यापारी मित्र' मधील माहितीचा उपयोग सरकारी अधिकाऱ्यांनाही होतो

मी मागील ३-४ वर्षांपासून 'व्यापारी मित्र' चा वर्गणीदार आहे. 'व्यापारी मित्र' मध्ये प्रसिद्ध होणाऱ्या अभ्यासपूर्ण लेखांचा फायदा व्यापारी वर्गाबरोबरच विक्रीकर / कर्मचाऱ्यांना देखील होतो. शिवाय आयकर, सेवाकर याबाबत चे ज्ञान अद्यावत होतो. पत्र लिहण्याचे विशेष कारण असे की, मागील वर्षात माझी वर्गणी भरण्याची मुदत संपली. कार्य बाहुल्यामुळे मी जवळ जवळ तीन महिनेपर्यंत वर्गणी भरू शकलो नाही. तरीदेखील मला मिळणाऱ्या एकाही अंकामध्ये खंड पडला नाही हे विशेष. 'व्यापारी मित्र' केवळ अर्थ प्राप्तीसाठी चालविले जात नाही तर 'ज्ञानवृद्धी' हे त्याचे प्रमुख उद्धिष्ट आहे. हेच यावरून सिद्ध होते. आपल्या सहकार्याबद्दल मन:पूर्वक धन्यवाद.
आपले प्रतिनिधी श्री. आर. एल. ढमाले व श्री. आर. एल. एकबोटे यांचे देखील कायम मैत्रीपूर्ण सहकार्य लाभत असते त्याबद्दल आभार. आनंद मुगोळकर, विक्रीकर अधिकारी, हिंगोली.

डॉ. लुणावत यांचा लेखाने व औषधोपचाराने जुनाट एसीडिटीचे दुखणे पूर्ण बरे झाले

जुलै २०१३ च्या 'व्यापारी मित्र' मध्ये डॉ. भारत लुणावत यांचा आलेला एसीडिटी (आम्लपित्त) वरील लेख वाचला. गेल्या १०-१२ वर्षांपासून मला असलेली एसीडिटी इतकी त्रासदायक झाली होती की मी फक्त एकच वेळ जेवायचे आणि तरीसुद्धा दिवस-रात्र मला त्रास व्हायचा. लुणावत डॉक्टरांचा लेख वाचून मी त्यांना भेटले. माझी समस्या सांगितली आणि एवढ्या वर्षांचं दुखणे त्यांनी ६-७ महिन्यात पूर्ण बरे केले. त्यांनी मला स्वतः तयार केलेली आयुर्वेदिक औषधे दिली आणि ताक पदार्थ वज्र्य करायला सांगितला. तसेच मला १४ दिवसांसाठी बस्तीचा कोर्सही दिला. नियमित औषधे व बस्तीमुळे मला खूप बरे वाटू लागले. मी ४ महिन्यानंतर ताकही पिऊन पाहिले आणि मला काहीच त्रास झाला नाही. थोडक्यात जळजळ आणि एसीडिटीचा त्रास पूर्णपणे थांबला आहे. सौ. भाग्यरेखा अशोक जोशी, नांदगांव, ता. मुरुड, जि. रायगड

व्यापारी मित्राचे कार्य अखंड चालू राहो!

आपला अंक मला पोस्टाने प्रत्रेक महिन्रास मिळत आहेच. तो सर्व मी अत्रंत आवडीने वाचत असतो. “जे जे आपणांसी ठावे, ते ते इतरांना शिकवावे, शहाणे करून सोडावे सकळ जन” रा उक्तीनुसारच आपले कार्र अखंंड चालू रहावे हीच अपेक्षा.
खडकलाट ता. चिकोडी, जि. बेळगाव श्री.अविनाश कुलकर्णी.

६६ वर्षांचा व्यापारी मित्र प्रवास थक्क करणारा !

ग्रंथालय व माहितीशास्त्र पदविकास अभ्यासक्रमासाठी प्रकल्प करताना मी आपल्या मासिकाची निवड केली. प्रकल्पासाठी अभ्यास करताना मासिकाच्या स्थापनेपासूनची सर्व माहिती मला आवश्यक होती. आपल्या कार्यालयातून मला सर्वतोपरी माहिती पुरविण्यात आली त्याबद्दल मी आपली आभारी आहे.
"व्यापारी मित्र" विषयी थोडेसे...
"व्यापारी मित्र हे मासिक व्यापाऱ्यांना सर्व माहिती देणारे आहेच परंतु इतर वाचकांना व्यापारी होण्यासाठी, व्यापार करण्यासाठी उपयुक्त करणारे आहे. व्यापाराची सुरुवात कशी करावी, त्याचे व्यवस्थापन कसे करावे, इनकमटॅक्स, सेल्सटॅक्स, व्हॅट याबद्दलची सर्व माहिती अगदी बिनचूक आणि तपशीलवार मिळते. प्रा. शेजलवारकरांसारख्या मान्यवर व्यक्तिमत्वाचे विचार या मासिकातून वाचता येतात. याशिवाय विविध लेख, व्यक्तिपरिचय यासारख्या सदरांमधून मान्यवर व्यक्तींची जडणघडण आताच्या शब्दात सांगायचं "स्ट्रगल" वाचता येते. खूप काही शिकायला मिळते. गेल्या ६६ वर्षातील "व्यापारी मित्र" चा प्रवास थक्क करण्यासारखा आहे. एवढी वर्षे सातत्याने व्यापारविषयक सर्व माहिती संगोपांग देणे हे सोपे काम नाही. परंतु आपण हे शिवधनुष्य पेललेत याबद्दल खरंच खूप आभार. सौ. ऋतुजा उमेश कुलकर्णी, रत्नागिरी.

"चेक" लेख आवडला...

श्री. जी. डी. शर्मा, संस्थापक संपादक - यांस सप्रेम नमस्कार आपण आपल्या व्यापारी मित्र मासिकाच्या डिसेंबर अंकात, माझा 'चेक' हा लेख प्रसिद्ध केला. तो लेख अनेकाना आवडला असे फोन मला येत आहेत. आजपर्यंत मला ठाणे, मुलुंड, धुळे, नंदुरबार, आंबेजोगाई, परळी वैजनाथ इ. ठिकाणांहून फोन आले. मुलुंडहून फोन करणाऱ्या गृहस्थानी कळवले की, ते तेथील ज्येष्ठ नागरिक संघाचे कार्यकर्ते असून त्यांनी ज्येष्ठ नागरिकांच्या सभेत या लेखाचे वाचन करण्यात आले. परळी वैजनाथच्या वाचकांनी कळविले की, त्याने त्याच्या मुलाच्या शाळेत या लेखाचे वाचन केले व त्यामुळे अनेकांना स्फूर्ती मिळाली. माझ्या लेखाला मिळालेल्या या प्रतिसादामुळे मी भारावून गेलो आहे. यावरून आपले व्यापारी मित्र मासिक हे कोठे - कोठे जाते व कसे आवडीने वाचले जाते याची कल्पना आली. माझे लेख आपण व्यापारी मित्रमधून प्रसिद्ध करून माझ्यासारख्या एका 'नव' लेखकाला जे प्रोत्सहन देत आहात त्याबद्दल मी आपला आभारी आहे.
धन्यवाद ! श्री. उल्हास हरी जोशी,

विविध माहितीने परिपूर्ण 'व्यापारी मित्र'

व्यापारी मित्र मासिकाचा मी जुना वर्गणीदार आहे. उपयोगी माहिती परिपूर्ण, दर्जाशी कोणतीही तडजोड न करता वाजवी किमतीने मासिक देण्याचा आपला प्रयत्न स्तुत्य व प्रशंसनीय आहे. अनुक्रमणिकेप्रमाणे एकदा अंकावर नजर टाकली की दुसरा अंक कधी येतो याची मी वाट पाहत असतो. जी. एस. टी. ची अंमलबजावणी झाल्यानंतरसुद्धा आपण अशीच विविध उपयोगी सदरे चालू ठेवाल असा विश्वास वाटतो. मी ५ वर्षांची वर्गणी पाठवली आहे. पी. बी. पाटील अँड असोसिएट्स, नवी मुंबई

आरोग्य विषयक लेख वाचनीर असतात!

मी आपल्रा मासिकाचा गेली 20 वर्षे सभासद आहे व निरमित आपले मासिक वाचतो. आपल्रा मासिकातील “आरोग्य विभागात” आपण चांगल्रा लेखकांची आरोग्य विषरक माहिती छापत असता, ती अतिशर वाचनीर असते. ऑगस्ट 2015 मधील डॉ.सुभाषचंद्र मालाणी रांचा “आजारपण का रेते? (पान 77) ” हा लेख वाचनीर होता. ऑगस्ट 2015 मधील लेखातील माहितीप्रमाणे मी डॉ.मालाणी रांना फोनवरून माझा शारीरिक त्रास व व्रथा सांगितली व त्रांच्रा सल्ल्रानुसार व त्रांच्रा मार्गदर्शनाने मी दोन महिने औषधोपचार केला व मला फार बरे वाटू लागले आहे. निसर्गोपचाराने आपण आपल्रा व्राधींवर चांगल्राप्रकारे इलाज करू शकतो, अशी माझी खात्री झालेली आहे. रासाठी मी डॉ.मालाणी रांचा आभारी आहे. आपल्रा मासिकाला माझ्रा हार्दिक शुभेच्छा.
श्री. संभाजी नारडू,रा.कात्रज, पुणे.